धनुषाको लक्ष्मीनियामा कांग्रेस विजयी, अधिकांश वडामा एमाले

जनकपुरधाम– धनुषाको लक्ष्मीनिया गाउँपालिकामा नेपाली कांग्रेस विजयी भएको छ । गाउँपालिका अध्यक्षमा नेपाली कांग्रेसका भोगेन्द्र झा ३७६५ मत ल्याएर विजयी भएका हुन् भने उनको निकटतम प्रतिद्वन्द्वी जनता समाजवादी पार्टीका डा. सत्रुधन यादव ३४९७ मत ल्याएका छन । 

त्यस्तै गाउँपालिका उपाध्यक्षमा कांग्रेसकै फुलकुमारी यादवनी विजयी भएकी हुन् । उनले ३६२८ मत ल्याएकी हुन् भने उनका निकटतम प्रतिद्वन्द्वी जसपाकी विमला कुमारी यादवले ३४६० मत ल्याए । यस्तै ७ वटा वडामध्ये ५ वटा वडामा नेकपा  एमालेका वडाध्यक्ष विजयी भएका हुन् ।

---