भरतपुरमा रेनुले बढाउँदै मतान्तर

चितवन- भरतपुर महानगरपालिकाको मेयर उम्मेदवार रेनु दाहालले मततान्तर बढाउँदै लगेकी छिन् । १९ हजार १ सय ८३ मत गणना हुँदा गठबन्धनको तर्फबाट उम्मेदवार बनेकी उनले ६ हजार ४ सय ३९ मत प्राप्त गरेकी छिन् । उनी सुवेदी भन्दा १६७ मतले अगाडि छिन् ।

नेकपा एमालेका विजय सुवेदीले ६ हजार २ सय ७२ मत प्राप्त गरेका छन् ।  जगन्नाथ पौडेलले ३ हजार १ सय ४९ मत ल्याएका हुन् ।

---

नेपाली कांग्रेसका उपमेयर उम्मेदवार चित्रसेन अधिकारीले ७ हजार ८ सय ४९ र राप्रपाकी हिमला गुरुङले ५ हजार १ सय ५२ मत ल्याएकी छिन् ।

महानगरको २९ वडामा १ लाख २७ हजार ५ सय ६६ मत खसेको थियो । कुल मतदाताको ६८ दशमलव ६८ प्रतिशत मत खसेको थियो ।