जाजरकोटको जुनीचाँदेको अध्यक्षमा एमाले, उपाध्यक्षमा कांग्रेस विजयी

सुर्खेत–जाजरकोटको जुनीचाँदे गाउँपालिकाको अध्यक्षमा एमालेका बेदबहादुर शाही विजयी भएका छन् । कांग्रेस–माओवादीसहितको गठबन्धनलाई हराउँदै  एमालेका शाही  गाउँपालिकाको अध्यक्षमा विजयी भएका हुन् । शाहीले ३ हजार ४ सय ४४ मत ल्याएर विजयी भएका हुन् । माओवादीबाट अध्यक्षमा निवर्तमान उपाध्यक्ष शिवा आचार्यले उम्मेदवार दिएकी थिइन् । उनले ३ हजार ८८ मत मात्रै प्राप्त गरिन् । 

उपाध्यक्षमा भने नेपाली कांग्रेसका वीरेन्द्रबहादुर शाही निर्वाचित भएका छन् । एमालेकी अम्बाकुमारी शाहीलाई हराउँदै उनी उपाध्यक्ष भएका हुन्। वीरेन्द्रले ३ हजार ६ सय १३ मत ल्याउँदा अम्बाकुमारीले २ हजार ११ मात्रै ल्याएकी हुन् ।

---