कास्कीको मादी गाउँपालिका अध्यक्षमा कांग्रेस, उपाध्यक्षमा एमाले विजयी

पोखरा–कास्कीको मादी गाउँपालिको अध्यक्षमा नेपाली कांग्रेसका देवीजंग गुरुङ र उपाध्यक्षमा नेकपा एमालेका  कल्पना गुरुङ बिजयी भएका छन् । 
देवीजंगले नेकपा एमालेका शिवबहादुर गुरुङलाई ८ सय ३४ मतले पछि पारेका हुन् । कांग्रेसका देवीजंगले ६ हजार ५ सय ८४ मत पाए भने एमालेका शिवले ५ हजार ७ सय ५० मत ल्याए ।

यस्तै उपाध्यक्षमा एमालेकी कल्पना गुरुङले गठबन्धनबाट माओवादी केन्द्रका उम्मेदवार लालबहादुर गुरुङलाई पराजित गरिन् । कल्पनाले ५८२८ मत ल्याउँदा लालबहादुरले ५६१६ मत पाए ।

---

१२ वटा वडा रहेको मादीमा कांग्रेसले ५, एमालेले ५ र माओवादीले २ वटा वडा जितेका छन् । १८ हजार ७ सय ८२ मतदाता रहेको मादीमा १३ हजार ७ सय ६३ मत खसेको थियो ।