खुट्टामा पैसा राखेर ढोग्ने अमृत खनाल वडाध्यक्षमा विजयी

काठमाडौँ - खुट्टामा पैसा राखेर ढोग्ने सिन्धुपाल्चोक मेलम्ची नगरपालिका वडा नम्बर १० का कांग्रेसका वडाध्यक्षका उम्मेदवार अमृत खनाल विजयी भएका छन् । उनीे एक हजार ४८ मत ल्याएर विजयी भएका हुन् । उनका निकटतम प्रतिस्पर्धी राप्रपाका टेकबहादुर तामाङले नौ सय ४८ मत ल्याएका छन् । 

खनालले घरदैलो अभियानमा फुपूले टिका लगाएर आशिर्वाद दिएपछि गोडामा पैसा राखेर ढोगेको फोटो भाइरल भएको थियो । विपक्षीहरुले उम्मेदवारी नै खारेज गर्नुपर्छ भनेर निर्वाचन आयोगमा उजुरी दिएका थिए । ​चितबुझ्दो स्पष्टीकरण दिएपछि आयोगले उनलाई कारबाही गरेको थिएन । 

---