गैडाकोट नगरपालिकामा कांग्रेसका उम्मेदवार विजयी

चितवन- गैंडाकोट नगरपालिकाको नगर प्रमुख र उपप्रमुखमा नेपाली कांग्रेसका उम्मेदवार विजयी भएका छन् । प्रमुखमा मदनभक्त अधिकारीले १६ हजार ४५५ मत प्राप्त गरी अधिकारी विजयी भएका हुन् ।

उनका निकटतम प्रतिद्वन्द्वी नेकपा एमालेका उम्मेदवार छत्रराज पौडेलले १३ हजार ६०६ मत ल्याएका हुन् ।

---

त्यस्तै नगरको उपप्रमुखमा पनि नेपाली कांग्रेसकी शान्ति कोइराला निर्वाचित भएकी छन् । कोइरालाले राप्रपाका तुलाराम पौडेललाई पछि पार्दै जित हासिल गरेकी हुन् । कोइरालाले १६ हजार ११४ मत प्राप्त गरेकी छन् भने पौडेलले ८६४० मत प्राप्त गरे ।

गैंडाकोटमा नेपाली कांग्रेसले कुल १८ वटा वडा मध्ये ११, एमालेले ६ र नेकपा माओवादी केन्द्रले १ वटा वडामा अध्यक्ष पदमा विजय हासिल गरेका छन् ।