महोत्तरी गाउँपालिकामा तमलोपा उम्मेदवार विजयी

महोत्तरी– महोत्तरीको महोत्तरी गाउँपालिका अध्यक्षमा तराई-मधेश लोकतान्त्रिक पार्टीका उम्मेदवार विजयी भएका छन् । तमलोपाका उम्मेदवार दिलिप कुमार पाण्डेयले २३३६ मत सहित अध्यक्ष पदमा विजयी भए ।

पाण्डेयले जनता समाजवादी पार्टी, नेपालका उम्मेदवार अजय जंग रायलाई पछि पारे । रायले २२०८ मत प्राप्त गरे ।

---

उपाध्यक्षमा भने जनता समाजवादीकी उम्मेदवार दिपो देवी पासवान विजयी भइन् । उनले २०६४ मत प्राप्त गरिन् । तमलोपाकी ललिता देवी साहले १९९१ मत पाइन् ।