पनौती नगरपालिकामा कांग्रेसका रामशरण भण्डारीको अग्रता

काठमाडौँ - काभ्रेको पनौती नगरपालिकामा नेपाली कांग्रेसका नगर प्रमुखका उम्मदेवार रामशरण भण्डारीले अग्रता लिएका छन् । वडा नम्बर १ देखि ८ सम्मको मतगणना सकिँदा उनी नौ हजार ८ मतका साथ अग्रस्थानमा छन् । 

यता, एमालेका नगर प्रमुखका उम्मेदवार भीम न्यौपाने आठ हजार ५२९ मतका साथ भण्डारीलाई पछ्याइरहेका छन् । 

---

उप प्रमुखमा भने एमालेकी गीता बञ्जराले अग्रता लिएकी छिन् । उनले आठ अजार ७५३ मत ल्याएकी छिन् । यसैगरी नेकपा एकीकृत समाजवादीका छविलाल हुँमागाइले उनलाई पछ्याइरहेका छन् । हुँमागाईको ६ अजार ७९० मत पाएका छन् । 

पनौतीमा कांग्रेस र समाजवादीबीच गठबन्धन भएको हो । अब वडा नम्बर ९, १०, ११, १२ को मतगणना बाँकी छ ।