देउमाईको प्रमुख र उपप्रमुखमा एमालेका उम्मेदवार निर्वाचित

इलाम - देउमाई नगरपालिकाको प्रमुख र उपप्रमुख पदमा नै नेकपा (एमाले)का उम्मेदवार विजयी भएका छन् । नगर प्रमुखमा सूर्यप्रसाद पोखरेल र उपप्रमुखमा पविमाया राई निर्वाचित भएका हुन् । 

प्रमुख पदमा एमालेका उम्मेदवार पोखरेल आठ हजार ६९५ मत ल्याउँदै विजयी भएका हुन् । उनका निकटतम प्रतिद्वन्द्वी गठबन्धनका तर्फबाट नेपाली कांग्रेसका उम्मेदवार होम दुलालले सात हजार ६२२ मत प्राप्त गरे ।  

---

उपप्रमुख पदमा एमालेकी उम्मेदवार पविमाया राई आठ हजार ५६३ मत पाउँदै निर्वाचित भइन् । उनका निकटतम प्रतिद्वन्द्वी नेकपा (माओवादी केन्द्र)का राम राईले पाँच हजार ७६५ मत पाइन् । 

एमालेबाट विजयी उम्मेदवार पोखरेल र राई दोस्रो कार्यकालका लागि निर्वाचित भएका हुन् । उनीहरु यसअघि २०७४ को स्थानीय निर्वाचनमा समेत विजयी भएका थिए ।  रासस