टीकापुर नगरपालिकाको प्रमुखमा नागरिक उन्मुक्ति पार्टीका रामलाल डगौरा निर्वाचित

कैलाली - कैलालीको टीकापुर नगरपालिकाको प्रमुखमा नागरिक उन्मुक्ति पार्टीका रामलाल डङ्गौरा थारु निर्वाचित भएका छन् । गठबन्धनको तर्फबाट नेपाली काङ्ग्रेसका उम्मेदवार नवराज रावललाई पराजित गरेर उनी प्रमुखमा विजयी भएका हुन ।

मेयरमा निर्वाचित थारु आबद्ध पार्टीलाई रेशम चौधरीका श्रीमती रञ्जिता श्रेष्ठ चौधरीले नेतृत्व गरिरहेकी छन । केही महिना अगाडिमात्रै यो पार्टी दर्ता भएको थियो ।

---

उपमेयरमा भने नागरिक उन्मुक्ति पार्टीका उल्कादेवी विश्वकर्मालाई पराजित गरेर नेकपा (माओवादी केन्द्र) का खडकबहादुर शाह विजयी भएका छन् ।

वडा अध्यक्षमा माओवादी केन्द्रले चार, नेपाली काङ्ग्रेस र नागरिक उन्मुक्ति पार्टीले तीन/तीन वटा जितेका छन् । एक वटा वडा नेकपा (एमाले) ले जितेको छ ।