भक्तपुरको सूर्यविनायकमा एमाले विजयी

काठमाडौं–भक्तपुरको सूर्यविनायक नगरपालिकाको मेयर र उपमेयर दुवै पदमा एमाले विजयी भएको छ । मेयर पदमा एमालेका वासुदेव थापा विजयी भएका छन् । उनले १४ हजार ७ सय ५८ मत ल्याएर विजयी भएका हुन् । उनका प्रतिस्पर्धी नेपाली कांग्रेसका निशान ढुंगेलले १३ हजार २ सय ३२ मत ल्याए ।

उपमेयरमा पनि एमालेकी सरिता भट्टराई (तिमिल्सिना) विजयी भइन् । उनले १४ हजार ४ सय ९० मत ल्याएर विजयी भएकी हुन् । उनका प्रतिस्पर्धी एकीकृत समाजवादीका श्याम सुन्दर बस्नेतले ६ हजार ६ सय ६१ मत मात्रै पाए ।
 

---