हेटौँडामा समाजवादीकी लामा अगाडि

हेटौँडा-  हेटौँडा उपमहानगरपालिकाको मेयर पदमा नेकपा एकीकृत समाजवादीकी मीना कुमारी लामाले १२ सय ४५ मतान्तरले अग्रता कायम गरेकी छिन् । हालसम्म ५८ हजार ६ सय ५८ मतगणना भइसकेको छ ।

अहिले सम्मको गणनामा समाजवादीकी लामाले १८ हजार २ सय ७१ मत ल्याएकी छिन् ।  नेकपा एमालेका अनन्तप्रसाद पौडेलले १७ हजार २६ मत ल्याएका छन् । तोस्रो स्थानमा रहेका राष्ट्रिय प्रजातन्त्र पार्टीका दिपक बहादुर सिंहले १६ हजार ३ सय ११  मत ल्याएका छन् । 

---

उपप्रमुखमा नेपाली कांग्रेसका राजेश बानियाँले २६ हजार ४ सय ४६ मत ल्याएका छन् । बानियाँलाई नेकपा एमालेकी सुमित्रा काफ्लेले १९ हजार १ सय  मत ल्याएर पच्छाइरहेकी छिन् ।