काठमाडौँ महानगर : उपमेयरमा सुनिताले २६५७५ मत पाउँदा अरुले कति पाए ?

काठमाडौँ- काठमाडौँ महानगरपालिकामा उपमेयरमा नेकपा एमालेकी सुनिता डंगोलले तेब्बर बढीले अग्रता लिएकी छन् । 

हालसम्म डंगोलले २६५७५ मत ल्याएकी छन् । त्यस्तै नेकपा समाजवादीका रामेश्वर श्रेष्ठले ८५९१ मत ल्याएका छन् ।

---

त्यसैगरी राप्रपाकी बिनिता मगैयाले ३४४९ मत पाएकी छन् । 

स्वतन्त्रका वेन्जीसिंह महर्जनले २०७१ मत पाएका छन् भने अर्का स्वतन्त्र विद्या श्रेष्ठ महर्जनले १३६५ मत पाएका छन् ।

त्यस्तै विवेकशील साझा पार्टीकी कृति कंसाकरले ७४९ मत पाएकी छन् ।

स्वतन्त्रकी रिकुं श्रेष्ठले १६६ मत, नेमकिपाकी सविता श्रेष्ठले ५३ मत, नेपाल सुशासन पार्टीकी पुष्पा खरेलले ३३ र नेपाली कांग्रेस बीपीकी इन्दिरा अधिकारी थापाले २६ मत पाएकी छन् । मत गणना जारी छ ।