विराटनगरमा जसपाले थप्यो वडा, १२ मा हिरालाल विजयी

विराटनगर । विराटनगर महानगरपालिकाको वडा नं. १२ मा जनता समाजवादीले दोस्रो जित दर्ता गरेको छ । यसअघि वडा नं. १७ को वडाध्यक्षसहित प्यानलै जितेको जसपाले वडा नम्बर १२ मा वडाध्यक्षसहित एक सदस्य पनि जितेको छ ।

वडाध्यक्षमा हिरालाल कामतले १ हजार ३७४ मत प्राप्त गरी विजयी भएका हुन् । उनले निकटतम् प्रतिद्वन्द्वी नेकपा एमालेका भोला बराललाई पराजित गरेका हुन् । बरालले १ हजार २७१ मत प्राप्त गरेका हुन् । वडा नं. १२ को एक सदस्यमा जसपाकै कुशेश्वर राजवंशी १ हजार २९२ मत प्राप्त गरी विजयी भएका छन् । अर्को सदस्यमा नेकपा एमालेका राजेश सरदार थारुले १ हजार ३३८ मत प्राप्त गरेर निर्वाचित भएका हुन् ।

---

महिला सदस्यमा एमालेकै प्रमिला राजवंशी १ हजार ३९५ र दलित महिला सदस्यमा देवी विश्वकर्मा १ हजार ३६४ मत प्राप्त गरी विजयी भएकी छन् ।