विराटनगर महानगरपालिकाको मतगणना सुरु

विराटनगर - विराटनगर महानगरपालिकाको मतगणना सुरु भएको छ । शनिबार बिहान ८ बजेदेखि सुरु गर्ने भनिएको मतगणना वर्षात्का कारण केही ढिला गरेर सुरु भएको हो ।

अहिले विराटनगरको १८ नम्बर वडाको मतपेटिका खोलिएको छ । पहिलो चरणमा वडा नम्बर १, २, १६, १७, १८ र १९ को मतगणना सुरु भएको हो ।

---

मतगणना कक्षमा मतपेटिकाको सिल खोलेर मतपत्र मिलाउने काम सुरु भएको छ । एक लाख ३३ हजार १४२ मतदाता रहेको विराटनगर महानगरमा ८९ हजार ६७८ मत खसेको थियो ।