बागलुङको तमानखोला गाउँपालिका अध्यक्षमा कांग्रेसका बुढा निर्वाचित

काठमाडौँ - बागलुङको तमानखोला गाउँपालिकाको अध्यक्षमा कांग्रेसका उम्मेदवार जोकलाल बुढा निर्वाचित भएका छन् । माओवादी केन्द्रका उम्मेदवार देवबहादुर पुनलाई पराजित गर्दै कांग्रेसका उम्मेदवार बुढा निर्वाचित भएको निर्वाचन आयोगले जनाएको छ । 

बुढाले २ हजार ७ सय ७ मत ल्याई विजयी भएका छन् । उनका निकटतम माओवादी केन्द्र) उम्मेदवार पुनले ७ सय १२ मत ल्याए ।

---

उपाध्यक्षमा पनि कांग्रेसकै उम्मेदवार निर्वाचित भएका छन् । कांग्रेसका हिराकुमारी छन्त्यालले २ हजार ७ सय ६८ मत ल्याएर निर्वाचित भएकी छन् । उनले माओवादी उम्मेदवार निशु रसाइलीलाई पराजित गरेकी हुन् । रसाइलीले १ हजार ९ सय ५८ मत ल्याएकी थिइन् ।