रसुवामा १८ वटा वडाको मतगणना सकिँदा ११ वटामा एमाले, ६ वटामा कांग्रेस विजयी

रसुवा- शुक्रबार भएको स्थानीय तहको निर्वाचनको मतपरिणाम आउने क्रम जारी छ । रसुवाको २७ वटा वडा मध्ये हालसम्म १८ वटा वडाको मतगणनाको कार्य सम्पन्न भएको छ । ८ बजेसम्मको नतिजा अनुसार २७ वटा वडामध्ये १८ वटाको मतपरिणाम सार्वजनिक भइसकेको छ । जसमा एमालेले ११, कांग्रेसले ६ र माओवादीले एउटामा वडाध्यक्ष पद जितेको छ । 

कालिका गाउँपालिका १ मा माओवादीको प्यानल, कालिका २ मा कांग्रेस प्यानल, कालिका ३ मा कांग्रेसको प्यानलै विजयी भएको छ । गोसाईंकुण्ड गाउँपालिका १ मा एमाले प्यानल, २ मा कांग्रेस प्यानल, ३ मा एमाले प्यानल, ४ मा कांग्रेस प्यानल र ५ मा एमाले प्यानलै विजयी भएका छन् ।

---

आमाछोदिङ्मो गाउँपालिका १ मा एमाले प्यानल, २ मा कांग्रेस प्यानल, ३ मा एमाले प्यानल र ४ मा एमाले प्यानलै विजयी भएका छन् । उत्तरगया गाउँपालिका १  मा एमाले प्यानल, २ मा एमाले प्यानल र ३ मा एमाले प्यानलै विजयी भएका छन् । नौकुण्ड गाउँपालिका १ मा कांग्रेस प्यानल, २ मा एमाले प्यानल र ३ मा एमाले प्यानलै विजयी भएका छन् । 

गोसाईंकुण्ड गाउँपालिका ६, कालिका गाउँपालिका ४ र ५, नौकुण्ड गाउँपालिका ४, ५ र ६, उत्तरगया गाउँपालिका ४ र ५, आमाछोदिङ्मो गाउँपालिका ५ को मतगणनाको नतिजा आउन बाकी रहेको छ । 

गोसाईंकुण्ड गाउँपालिका १ मा नेकपा नेकपा एमालेका उर्केन छिरिङ तामाङले ३ सय ९५ मत ल्याएर विजयी भए ।  उनका निकटतम प्रतिद्वन्द्वी नेपाली कांग्रेसका कर्मा तामाङले ३ सय ६५ मत ल्याए । 

गोसाईंकुण्ड–२ मा नेपाली कांग्रेसका कामी छिरिङ तामाङले १ सय ९७ मत ल्याएर विजयी भए ।  उनका निकटतम प्रतिद्वन्द्वी नेकपा एमालेका उर्किन तामाङले १ सय ८७ मत ल्याए । गोसाईंकुण्ड–३ मा नेकपा एमालेका मिङमर छिरिङ तामाङले  २ सय ६० मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका डुक्तार  तामाङले १ सय ६७ मत ल्याए । गोसाईंकुण्ड–४ मा नेपाली कांग्रेसका डिण्डु लामा ज्याबा तामाङले १ सय ६६ मत ल्याएर विजयी भए ।  उनका निकटतम प्रतिद्वन्द्वी नेकपा एमालेका तेम्बा लामाले १ सय ३६ मत ल्याए । गोसाईंकुण्ड ५ मा नेकपा एमालेका दावा मिङमार तामाङले ७ सय ७८ मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका ङवाङदोर्जे तामाङले ७ सय २५ मत ल्याए । 
 
नौकुण्ड गाउँपालिका १ मा नेपाली कांग्रेसका कान्छा तामाङले ५ सय ६९ मत ल्याएर विजयी भए । उनका निकटतम प्रतिद्वन्द्वी नेकपा एमालेका राम नेकोरले ३ सय ८६ मत ल्याए । नौकुण्ड–२ मा नेकपा एमालेका ङाफु याल्बो थोक्राले ४ सय ६५ मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका लालसिङ नेकोरले ३ सय ३४ मत ल्याएर पराजित भए । नौकुण्ड गाउँपालिका ३ मा नेपाली एमालेका लोकेन्द्रदेब मोक्तानले ६ सय ७६  मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका ओमबहादुर घलेले ४ सय ७६ मत ल्याए ।  

उत्तरगया गाउँपालिका १ मा नेकपा एमालेका मारसिङ तामाङले ५ सय ६० मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका बमबहादुर तामाङले ४ सय ९६ मत ल्याए । उत्तरगया–२ मा नेकपा एमालेका टुकु सुवेदीले ३ सय ६८ मत ल्याएर विजयी भए भने उनका निकटतम प्रतिद्वन्द्वी नेपाली कांग्रेसका उम्मेदवारले २ सय ९९ मत ल्याएर पराजित भए । उत्तरगया–३ मा नेकपा एमालेका लालबहादुर तामाङले ४ सय ५१ मत ल्याएर विजयी भएका छन् । नेपाली कांग्रेसका उम्मेदवारले ४ सय २१ मत ल्याएका छन् । 

कालिका गाउँपालिका १ मा नेकपा (माओवादी केन्द्र) का दावा तामाङले ५ सय ६६ मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका छेवाङ सेनाम तामाङले ५ सय ४८ मत ल्याए । कालिका–२ मा नेपाली कांग्रेसका उमेश बहादुर न्यौपानेले ९ सय ७ मत ल्याएर विजयी भए । उनका निकटतम प्रतिद्वन्द्वी नेकपा एमालेका विक्रम लोप्चनले ७ सय ६६ मत ल्याए । कालिका ३ मा नेपाली कांग्रेसबाट उम्मेदवार बनेका फडिन्द्र प्रसाद न्यौपानेले ४ सय ७२ मत ल्याएर विजयी भए ।  उनका निकटतम प्रतिद्वन्द्वी नेकपा माओवादी केन्द्रका पुष्पराज न्यौपानेले ४ सय ७० मत ल्याए ।  

आमाछोदिङ्मो गाउँपालिका १ मा नेकपा एमालेका साङ लामा तामाङले २ सय ९० मत ल्याएर विजयी भए । उनका निकटतम प्रतिद्वन्द्वी नेकपा माओवादी केन्द्रका पासाङदे तामाङले २ सय ४८ मत ल्याए । आमाछोदिङ्मो गाउँपालिका २ मा नेपाली कांग्रेसबाट ल्हाक्पा कामी तामाङले २ सय ५७ मत ल्याएर विजयी भए । उनका निकटतम प्रतिद्वन्द्वी नेकपा एमालेका अकाल तामाङले १ सय ९३ मत ल्याए । आमाछोदिङ्मो ३ मा नेकपा एमालेका सुरेन्द्र तामाङले ३ सय २८ मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका कामी नाम्ग्याल तामाङले २ सय ८१ मत ल्याए । आमाछोदिङ्मो ४ मा नेकपा एमालेका धर्म तामाङले २ सय ८८ मत ल्याएर विजयी भए । उनका निकटतम प्रतिद्वन्द्वी नेकपा माओवादीका ताम्प्रिङ घलेले २ सय ९ मत ल्याए । 

न्युज कारखाना