२०७४ को बदला फेर्दै केशवप्रसाद गाउँपालिका अध्यक्षको कुर्सीमा

काठमाडौं– तेह्रथुमको फेदाप गाउँपालिकामा गएको २०७४ को स्थानीय चुनावमा नेपाली कांग्रेसका केशवप्रसाद भेटवाल अध्यक्षमा पराजित भए । एमालेका हरिप्रसाद चोइवाङ लिम्बुसँग उनी पराजित भएका हुन् ।

अहिले उनै लिम्बुलाई २०७४ को बदला लिएका छन् भेटवालले । यो निर्वाचनमा उनै लिम्बुलाई हराउँदै भेटवाल गाउँपालिका अध्यक्षमा निर्वाचित भए ।

---

भेटवालले ४ हजार ४१ मत पाएका छन् । उनका निकटतम प्रतिद्वन्द्वी नेकपा एमालेका हरिप्रसाद चोइवाङ लिम्बुले ३ हजार ८७९ मत पाए । २०७४ मा लिम्बुले ३ हजार ४ सय ३९ मत ल्याएका थिए ।

उपाध्यक्षमा कांग्रेसकै सुनिता पहीम निर्वाचित भएकी छन् । निकटतम प्रतिद्वन्द्वी एमालेकी गीतादेवी थापाले ३७२५ मत पाएकी छन् ।