कैलालीको मोहन्यालमा सवा १२ बजेबाट मतगणना सुरु हुने

काठमाडौँ - कैलालीको मोहन्याल गाउँपालिकामा आज दिउँसोबाट मात्रै मतगणना सुरु हुने भएको छ । आज बिहान बसेको सर्वदलीय बैठकमा मध्यान्न सवा १२ बजेबाट मतगणना सुरु गर्ने सहमति भएको अध्यक्षका उम्मेदवार देवीदत्त उपाध्यायले जानकारी दिए । 

उनकाअनुसार नियतबस् नभई मानवीय त्रुटिका कारण सिल तोडिएको र फेरिएको निष्कर्ष बैठकले निकालेपछि मतगणना सुरु हुने भएको हो । ‘मानवीय त्रुटिका कारण सिल टुटेको र फेरिएको पाइयो,’ इकागजसँग उनले भने, ‘नियतबस् नगरेको निष्कर्ष बैठकले निकालेपछि मतगणना गर्ने सहमति भएको छ । सवा १२ बजेबाट मतगणना सुरु हुन्छ ।’

---

गाउँपालिकाको वडा नम्बर ६ र ७ को एक मतपेटीकाको सिल तोडिएको र अर्कोमा सिल परिवर्तन भएको भेटिएपछि विवाद भएको थियो ।