सल्यानको कपुरकोट गाउँपालिका अध्यक्षमा एकीकृत समाजवादीका उम्मेदवार विजयी

काठमाडौँ- सल्यानको कपुरकोट गाउँपालिका अध्यक्षमा एकीकृत समाजवादीका उम्मेदवार विजयी भएका हुन् । समाजवादीका दुर्गाबहादुर पुनले ३ हजार १ सय ६० मत प्राप्त गरी विजयी भएका हुन् ।

पुनका प्रतिद्वन्द्वी नेकपा एमालेका भिमबहादुर सेनले २ हजार ९ सय ३६ मत प्राप्त गरेका थिए । नेपाली कांग्रेसका विष्णु प्रसाद शर्माले १ हजार ५ सय ७२ मत ल्याएका थिए ।

---

त्यस्तै उपाध्यक्षमा नेकपा माओवादी केन्द्रका प्रकाश भरारी विजयी भएका छन् । उनले ३ हजार २ सय ४० मत प्राप्त गरी उपाध्यक्षमा विजयी भएका हुन् ।

उनका प्रतिद्वन्द्वी नेकपा एमालेका भिमा बुढाथोकीले २ हजार ७ सय ४५ मत प्राप्त गरेकी छिन् । नेपाली कांग्रेसकी ओकी महताराले १ हजार ५ सय २९ मत ल्याएकी छिन् ।