विराटनगरको मेयरमा कांग्रेसका नागेशले बनाए फराकिलो मतान्तर

काठमाडौं–मोरङको विराटनगर महानगरपालिकाको मेयरमा कांग्रेसका नागेश कोइरालाले एमालेका उम्मेदवार सागर थापालाई फराकिलो मतान्तरले पछाडि पारेका छन् । एमालेका सागर थापालाई १७ सय ६७ मतान्तरले पछाडि पारेका छन् । कोइरालाले ७ हजार ५ सय ९१ मत ल्याएका छन् भने एमालेका थापाले ५ हजार ८ सय २४ मत ल्याएका छन् । 

यस्तै स्वतन्त्रबाट उम्मेदवारी दिएका उमेशकुमार यादवले २२ सय ६१ मत ल्याएका छन् । विवेकशील साझा पार्टीका अमलेशकुमार कर्ण (कायस्थ)ले ५३ मत ल्याएका छन् । 

---

उपमेयरमा एमालेकी शिल्पा कार्की अग्र स्थानमा छिन् । उनले ६ हजार ६ सय ३३ मत ल्याएकी छिन् । दोस्रो स्थानमा रहेका जसपाका अमेरन्द्र यादव ४ हजार २ सय ३७ मत ल्याएर उनलाई पछ्याउँदैछन् ।