धनुषाको धनौजीमा अध्यक्ष र उपाध्यक्ष दुवै पदमा कांग्रेस विजयी

जनकपुरधाम– धनुषाको धनौजी गाउँपालिकाको अध्यक्ष र उपाध्यक्ष दुवै पदमा नेपाली कांग्रेसका उम्मेदवार विजयी भएका छन् । अध्यक्षमा राजकुमार साहले २ हजार २६२ मत ल्याएर विजयी भएका हुन् । उनका निकटतम प्रतिद्वन्द्वी लोकतान्त्रिक समाजवादी पार्टीका जीवेन्द्र झाले २ हजार १६३ मत ल्याएको निर्वाचन अधिकृत पोषराज खनालले जानकारी दिए । 

त्यस्तै उपाध्यक्षमा कांग्रेसकै रामबति देवी मण्डल निर्वाचित भएकी हुन् । उनले २ हजार ४३० मत ल्याएकी छिन् भने उनको निकटतम प्रतिद्वन्द्वी लोसपाकी रंजितादेवी मण्डलले १ हजार ९०१ मत ल्याएकी हुन् ।

---