काठमाडौंमा पावर समिट २०२३ आयोजना हुने

काठमाडौँ  - स्वतन्त्र ऊर्जा उत्पादकहरुको संस्था इपानको आयोजनामा बैशाख पहिलो साता काठमाडौंमा पावर समिट २०२३ आयोजना हुने भएको छ । 

इपानले बुधबार काठमाडौंमा पत्रकार सम्मेलन गर्दै हरित ऊर्जाको बजार विस्तारिकण भन्ने नाराका साथ पावर समिट बैशाख ५ र ६ गते काठमाडौंमा हुने जानकारी गराएको हो । ३० भन्दा बढि देशका ३०० अन्तराष्ट्रिय प्रतिनिधिसहित सरकारका उच्च अधिकारी, विद्युत उत्पादकहरु, वित्तीय संस्थाहरू लगायतका प्रतिनिधिको सहभागिता हुने पावर समिटको प्रधानमन्त्री पुष्पकमल दाहाल प्रचण्डले उद्घाटन गर्ने इपानले जनाएको छ ।

---

आठौं संस्करणको पावर समिट ऊर्जा क्षेत्रमा संलग्न सबैका लागि सञ्जाल बनाउने र एक अर्काबाट अनुभव आदान प्रदान गर्ने ठूलो अवसर भएको इपानका अध्यक्ष कृष्ण प्रसाद आचार्यले जानकारी दिए । सम्मेलनका क्रममा नेपाली जलविद्युत आयोजना र भारतीय क्रेताबीच प्रत्यक्ष विद्युत खरिद सम्झौताका लागि एमओयुमा हस्ताक्षर गर्ने कार्यक्रम रहेको छ भने सम्मेलनले नवीकरणीय ऊर्जाको विकास र बजार विस्तारका लागि अन्य सम्झौता र समझदारीमा हस्ताक्षर गरिने आचार्यले बताए । 

अहिलेको अवस्थामा उत्पादनसंगै खपत बढाउनुपर्ने आवश्यकता रहेको धारणा राखे । अहिलेको अवस्थामा विद्युत प्राधिकरणलाई मात्रै बिद्युतको व्यापार गर्ने एकाधिकार रहेको र प्राधिकरणले ६८ सालमा तोकिएको विद्युत खरिद रेट अहिलेसम्म कायम रहेपनि निजी क्षेत्र उत्पादनमा लागिरहेको उनले बताए ।