काठमाडौँका यी स्थानमा आज विद्युत् अवरूद्ध हुने

काठमाडौँ- काठमाडौँका विभिन्न स्थानहरूमा आज विद्युत् अवरूद्ध हुने भएको छ ।

विद्युत् प्राधिकरणले सूचना जारी गर्दै रत्नपार्क वितरण केन्द्रको असन र महाबौद्ध फिडर अन्तर्गत पर्ने विभिन्न स्थानमा तीनदेखि पाँच घण्टा विद्युत् अवरूद्ध हुने जानकारी दिएको हो ।

---

असन फिडर अन्तर्गत रत्नपार्क बगैंचाभित्र, भोटाहिटी साझा भण्डार, असनचोक, बाङ्गेमुढा, भेडासिंह, ईन्द्रचोक, सुरज आर्केड अगाडि, मसला गल्लीको मोडसम्मको क्षेत्रमा शनिबार दिउँसो २ बजेदेखि साँझ ५ बजेसम्म विद्युत् अवरूद्ध हुने प्राधिकरणले जनाएको छ ।

रत्नपार्क वितरण केन्द्रकै महाबौद्ध फिडर अन्तर्गत महाबौद्ध सबस्टेशनभित्र, न्युरोड गेट, रन्जना हल, विशालबजार सबस्टेशनभित्र, विशाल बजार अगाडि, गणेश , स्थान ट्रमा हस्पिटल पछाडि केबुल हेडसम्मका क्षेत्रमा बिहान ८ बजेदेखि दिउँसो २ बजेसम्म विद्युत् अवरूद्ध हुने प्राधिकरणले जनाएको छ।

ती ठाउँहरूमा भूमिगत तारसम्बन्धी कामका लागि फिडर सटनडाउनमा राख्नुपर्ने भएकाले विद्युत्‌ अवरूद्ध हुने प्राधिकरणले जनाएको छ।