बन्चरेडाँडावासीको स्वास्थ्यमा खेलवाड नगर्न जवाफदेहिता निगरानी समितिको अनुरोध

काठमाडौँ -  जवाफदेहिता निगरानी समितिले बन्चरे डाँडावासीको स्वास्थ्यको चिन्ता गर्दै सम्बद्ध सबैको ध्यानाकर्षण गराएको छ ।  समितिका तर्फबाट चरण प्रसाइँद्धारा जारी विज्ञप्तिमा मानव बस्ती नजिकै रहेको डाँडामा फोहोर थुपार्दा स्थानीयका स्वास्थ्य जोखिममा पर्ने भन्दै चिन्ता व्यक्त गरिएको हो । विज्ञप्तिमा भनिएको छ – ‘नुवाकोट र धादिङको सिमानामा रहेको बन्चरे डाँडा काठमाडौं उपत्यकाको फोहो रथुपार्नका लागि छनोट गरिएको नयाँ गन्तव्य हो र यो मानव बस्तीबाट एकदमै सामीप्यमा रहेको छ । फोहोरबाट प्रभावित र राज्यका सम्बन्धित निकायबीचको लिखित सम्झौता मुताबिक उक्तल्यान्डफिल साइटमा वैज्ञानिक मापदण्ड अनुसरण गरी फोहोर व्यवस्थापन गरिने र स्थानीयको स्वास्थ्य सरोकारलाई प्राथमिकता दिइने प्रावधान राखिएता पनि झन्डै एक वर्षको अवधि बितिसक्दा समेत उक्त क्षेत्रमा कुनै पनि मापदण्ड पालना नगरिएकाले स्थानीयको जनजीवन कष्टकर बन्न पुगेको छ ।’

निगरानी समितिका सदस्यको नेतृत्वले एक हप्ता पहिला दुवै क्षेत्रको स्थलगत अवलोकन गरेको र दुवै क्षेत्रका बासिन्दामा  स्वास्थ्य समस्या अत्यन्तै भयावह रहन गएको बताएको छ ।  ​विज्ञप्तिमा यसले स्थानीयले सम्मानपूर्वक बाँच्न पाउने अधिकारको पनि खण्डन भएको भन्दै  सम्झौता अनुरुप काम गर्न र‘फोहोर र मानवबस्ती एकै स्थानमाकदापि रहन सक्दैनन्’ भन्ने स्थानीयवासीको एकल मागको सम्बोधन गर्न आग्रह गरिएको छ ।  

---