शुक्रबार मनाइने इन्द्रजात्राको तयारी तीव्र

काठमाडौँ- काठमाडौं उपत्यकामा शुक्रबार मनाइने इन्द्रजात्राको तयारी तीव्र पारिएको छ ।

इन्द्रजात्राका लागि काठमाडौँको हनुमानढोकामा रहेको गद्दी बैठकमा रङ्गरोगनका कार्य भइरहेको छ भने कुमारी घर र मठमन्दिरलगायतमा साजसज्जाका कार्य भइरहेको छ । त्यस्तै इन्द्रजात्रामा कुमारी, भैरव र गणेशका रथलाई पनि तयारी अवस्थामा राखिएको छ ।

---

भाद्र २२ गते बिहानको शुभ साइतमा इन्द्रध्वज (यःसिँ) उठाएपछि विधिवत् रूपमा सुरू हुने जात्रा २४ गते इन्द्रजात्राका दिनमा राष्ट्रपति लगायतका उच्च पदस्थ व्यक्तिहरू सहभागी भई जात्रा अवलोकन गर्ने परम्परा रहेकाे छ

जात्रा भदौ २९ गते समापन हुन्छ ।