चाँदी र सुनको सिक्का लिनका लागि सर्वसाधारणको भिड

काठमाडौँ - धन्तेरसका दिन नयाँ मुद्रण गरिएका चाँदी र सुनको सिक्का लिनका लागि टक्सार महाशाखामा सर्वसाधारणको भिड लागेको छ । 

नेपाल राष्ट्र बैंकले प्रकाशित गरेका नयाँ मुद्रण गरिएका चाँदी र सुनको सिक्का लिनका लागि मंगलबार धन्तेरसका दिन मुद्रा व्यवस्थापन विभाग टक्सार महाशाखामा सर्वसाधारणको भीड लागेको हो । चाँदी र सुनको सिक्का लिनका लागि टक्सार महाशाखाको बाहिर लामो लाइनमा सर्वसाधारण उभिएका थिए । पहिला आउनेलाई प्राथमिकता दिएर चाँदी र सुनको सिक्का बिक्री वितरण गरिएको टक्सार महाशाखाकी कार्यवाहक निर्देशक सम्झना ढकालले जानकारी दिइन् ।

---

तिहारका अवसरमा राष्ट्र बैंकले हरेक बर्ष नयाँ मुद्रण गरिएका चाँदी र सुनको सिक्का बिक्री वितरण गर्दै आएको छ ।