सुनको मूल्य दुई सयले बढ्यो

काठमाडौं - सुनको मूल्य बिहीबार तोलामा दुई सय रुपैयाँले बढेको छ । नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला एक लाख तीन हजार चार सय रुपैयाँ कायम भएको छ । यसअघि, बुधबार छापावाल सुन तोलाको एक लाख तीन हजार २०० रुपैयाँमा कारोबार भएको थियो ।

यसैगरी, तेजावी सुनको मूल्य तोलाको एक लाख दुई हजार ९०० रुपैयाँ तोकिएको हो । अघिल्लो दिन तेजावी सुनको मूल्य तोलाको एक लाख दुई हजार ७०० रुपैयाँ निर्धारण भएको थियो । 

---

यता, बिहीबार चाँदीको मूल्य भने तोलामा पाँच रुपैयाँले घटेका छ । चाँदी १३ सय ६० रुपैयाँमा कारोबार भइरहेको छ । बुधबार चाँदीको मूल्य १३ सय ६५ रुपैयाँ कायम रहेको थियो ।