मालबाहक सवारीमा देखिएको समस्या समाधानका लागि प्रतिबद्ध छु :अर्थमन्त्री पौडेल

काठमाडौँ- नेपाल ट्रक यातायात व्यवसायी महासंघको एक प्रतिनिधि मण्डलले उपप्रधान तथा अर्थमन्त्री विष्णुप्रसाद पौडेलबीच  शुक्रबार अर्थ मन्त्रालयमा भेटघाट सम्पन्न भएको छ । हाल यातायात क्षेत्रको ढुवानीमा देखिएको समस्याको बारेमा उक्त प्रतिनिधि मण्डलले अर्थमन्त्रीको ध्यानाकर्षण गराएको छ । 

भेटका  क्रममा मालबाहक ढुवानी क्षेत्रमा देखिएका समस्याका बारेमा पनि अर्थ मन्त्रीलाई जानकारी गराइएको थियो।   अर्थमन्त्री पौडेलले व्यवसायीको समस्या समाधानका पहल गर्ने  प्रतिबद्धता व्यक्त गरेको  महासंघका अध्यक्ष हिरालाल श्रेष्ठले जानकारी दिए ।

---

भेटघाट कार्यक्रममा महासंघका अध्यक्ष हिरालाल श्रेष्ठ, महासचिव राजेन्द्र विक्रम बानियाँ , कोषाध्यक्ष ओम कार्की लागतका व्यवसायीहरूको सहभागिता रहेको थियो । प्रतिनिधिमण्डलले मन्त्री पौडेललाई सफल कार्यकालका लागि शुभकामना पनि व्यक्त गरेको छ ।