मास्टर सेफ सन्तोषले सिड्नीमा नेपाली फुड प्रमोशन गर्ने

काठमाडौँ - आगामी मे ३ देखि ७ तारिखसम्म अस्ट्रेलियाको नमस्ते रेष्टुरेण्टमा नेपाली फुड प्रमोशन कार्यक्रम हुने भएको छ । 

नेपालको फुड प्रवद्र्धनका लागि अस्ट्रेलियामा भएको अस्ट्रेलियन प्यासिफिक इनटरनेशनल कलेज र प्यासिफिक हस्पिटालिटी एण्ड कुलिनरी एकेडेमि मैतीदेवीको संयोजकत्वमा फुड प्रमोशन कार्यक्रम हुने भएको हो ।

---

नेपाली फुडलाई विश्वभ प्रचारप्रसार गर्दै आएका मास्टर सेफ सन्तोष साहको आफ्नै मेनुमा अस्ट्रेलियनहरुलाई नेपाली खानाको स्वाद र परिकारहरु पस्किने कार्यक्रम रहेको छ ।

नेपाली मेनुमा २० प्रकारका खानाको परिकार र नेपाली एला पनि समावेश हुनेछ । फुड प्रमोशन कार्यक्रम टिकट मूल्य प्रतिव्यक्ति १८० देखि २ सय अस्ट्रेलियन डलर तोकिएको छ । 

सेफ साहले नेपाली फुडको प्रवद्र्धनको लागि अस्ट्रेलियामा कार्यक्रम गर्न लागेको बताए । उनले नेपाली फुडले पनि विश्वमा न्याय पाउनुपर्छ र पुस्तकमा मात्रै भनेर र सुनेर होइन नेपाल्ी खानाको स्वाद विदेशी चाख्नै पाउनुपर्छ भनेर नै आफूले अस्ट्रेलियामा नेपाली खानाहरुको प्रवद्र्धन गर्न लागेको बताए । 

उनले भने, ‘म नेपाली फुडको प्रवद्र्धनको लागि लागेको छु । नेपाली फुडले पनि विश्वमा न्याय पाउनुपर्छ भनेर लागेको छु । लेखेर, भनेर मात्रै नभइ संसारका मानिसले खान पनि पाउनुपर्छ भनेर नै विदेशीलाई नेपाली खाना चखाउन अस्ट्रेलियामा यो प्रवद्र्धन गर्न लागेको हो । यसमा २० कोर्षको मेनु छ । मैले बनाएको नेपाली खाना फ्युजन फुड हुँदैन । यो मोडेन नेपाली हुन्छ । सान्यखुना, योमरी लगायतका नेपाली खानाहरु रहनेछन् ।’ 

कार्यक्रममार्फत नेपाली खाना अस्ट्रेलियामा प्रचारप्रसार हुनेमा आशावादी रहेको सेफ साहले बताए ।