धनगढीमा आजदेखि सूचना प्रविधि प्रदर्शन

कैलाली- धनगढीमा आजदेखि इन्फोटेकको आयोजनामा सूचना प्रविधि प्रदर्शन सुरु भएको छ ।

कम्प्युटर एशोसियसन नेपाल कैलालीको आयोजनामा फागुन १६ देखि २० गतेसम्म सूचना प्रविधि प्रदर्शनी हुने भएको हो । मेलाको सुदूरपश्चिम प्रदेशका प्रमुख देवराज जोशीले उद्घाटन गरेका छन् । मेलामा सूचना प्रविधिको बारेमा जानकारी दिने, नवीनतम प्राविधिक सामग्रीको प्रदर्शनी गरिने, साइबर सेक्युरिटी सम्बन्धी जानकारी दिइने जनाइएको छ ।

---

इन्फोटेकको मुख्य प्रायोजकमा नेपाल दूर संचार प्राधिकरण र एशोसियटमा नेपाल टेलिकम रहेका छन् । क्यान कैलालीका अध्यक्ष यज्ञ राज ओझाले इन्फोटेकमा नेपाल विज्ञान तथा प्रविधि प्रज्ञा प्रतिष्ठान (नास्ट)को सुविधा सम्पन्न मोबाइल बसमा विभिन्न सेमिनारका बारेमा जानकारी गराइने बताए ।

इन्फोटेकमा विभिन्न कम्पनीका ७० वटा स्टलहरू रहेको बताउँदै अध्यक्ष ओझाले ८० हजारदेखि १ लाख दर्शकहरूले मेलाको अवलोकन गराउने लक्ष्य रहेको बताए ।