वरिष्ठ उपाध्यक्षको रिङबाट बाहिरिए संघई, दोस्रो चरणको चुनावमा अञ्‍जन र उमेशलाल भिड्‌दै

काठमाडौँ- नेपाल उद्योग वाणिज्य महासंघको चुनावमा वरिष्ठ उपाध्यक्ष पदमा ५१ प्रतिशत मत ल्याउन नसक्दा दोस्रो चरणमा चुनाव हुने भएको छ । दोस्रो चरणको मतदान आज दिउँसो २ बजेबाट सुरु हुने भएको छ ।

पहिलो चरणमा वरिष्ठ उपाध्यक्ष पदमा प्रतिस्पर्धी अञ्‍जन श्रेष्ठ, उमेशलाल श्रेष्ठ र रामचन्द्र संघईमध्ये कसैले पनि ५१ प्रतिशत मत नल्याउँदा दोस्रो चरणमा चुनाव हुने भएको हो ।

---

अञ्‍जनले कुल ३७.९९ प्रतिशत मतभार पाए भने उमेशलालले कुल ३१.५१ मतभार पाएका थिए । रामचन्द्रले ३०.४६ प्रतिशत मतभार पाएका छन् ।

योसँगै दोस्रो चरणको चुनावमा अञ्‍जन र उमेशलालबीच प्रतिस्पर्धा हुने भएको छ ।

महासंघको इतिहासमा पहिलो पटक दोस्रो चरणको मतदान हुँदैछ ।