सुनको भाउ बढ्यो

काठमाडौं - नेपाली बजारमा मंगलबार सुनको मूल्य बढ्दा चाँदीको भने मूल्य स्थिर छ। यसअघि सोमबार प्रति तोला ३०० रुपैेयाँ बढेको सुनको मूल्य मंगलबार पनि प्रति तोला ३०० रुपैयाँले नै बढेको हो।

नेपाल सुनचाँदी व्यवसायी महासंघका अनुसार मंगलबार छापावाल सुन प्रति तोला १ लाख ११ हजार २०० रुपैयाँ कायम गरिएको छ । यसैगरी तेजाबी सुन प्रति तोला १ लाख १० हजार ६५० रुपैयाँमा कारोबार भइरहेको छ। 

---

यस्तै, अघिल्लो कारोबार दिन सोमबार छापावाल सुन प्रति तोला १ लाख १० हजार ९०० रुपैयाँ र तेजाबी सुन प्रति तोला १ लाख १० हजार ३५० रुपैयाँमा कारोबार भएको थियो। 

त्यसैगरी, मंगलबार चाँदीको मूल्य भने स्थिर रहेको छ। मंगलबार चाँदी प्रति तोला १४ सय ४५ रुपैयाँमा कारोबार भइरहेको छ। सोमबार पनि चाँदी सोही मूल्यमा किनबेच भएको थियो।