अर्थतन्त्रलाई चलायमान बनाउन सरकारको ध्यान केन्द्रित छ : अर्थमन्त्री

काठमाडौँ - अर्थमन्त्री डा प्रकाशशरण महतले आगामी आर्थिक बर्षमा अर्थतन्त्रलाई चलायमान बनाउन सरकारको ध्यान केन्द्रीत हुने बताएका छन् । .....

मंगलबार राष्ट्रियसभा बैठकमा आगामी आर्थिक बर्षका लागि विनियोजन विधेयकका सिद्धान्त र प्राथमिकताको छलफलमा उठेका प्रश्नको जवाफ दिदै अर्थमन्त्री महतले अर्थतन्त्रलाई चलाउन बनाउनका लागि समयमा नै पूँजीगत खर्च र मौद्रीक नीति खुकुलो पार्दै अघि नीति अवलम्वन गरिने बताए । 

---

उनले समयमा नै पूँजीगत खर्च र मौद्रीक नीति खुकुलो पार्दै अघि बढेपछि राजस्वको दायरा बढ्ने धारणा राखे । अन्तिम समयमा मात्रै खर्च गर्ने प्रवृतिलाई अन्त्य गर्नका लागि पहिलो दिन देखि महिना महिनामा अनुगमन गर्ने उनले बताए । 

मन्त्री महतले राजस्व चूहावट नियन्त्रणका लागि सरकार कठोर गम्भीर भएर लाग्ने जिकिर गरे । उनले यो आर्थिक बर्षमा ८ प्रतिशत आर्थिक बृद्धि नहुने भन्दै आगामी बर्ष समावेशी र फराकिलो आर्थिक बृद्धिको लक्ष्यका साथ सरकार अघि बढेको बताए । उनले करमा केहि घरनालाई पोस्ने काम अहिलेको सरकारबाट नहुने भन्दै समग्र जनता र देशलाई केन्द्रबिन्दुमा राखेर काम गर्ने प्रतिवद्धता जनाए । 

मुलुकको अर्थतन्त्रमा कसरी समृद्धि सिर्जना गर्ने भन्ने बोरमा केन्द्रीत हुनुपर्ने भन्दै उनले बिलासिताको वस्तुको आयात रोक्ने बिषय मुख्य नभएको उल्लेख गरे । उनले अनावश्यक साधारण खर्च नगर्ने प्रतिवद्धता सहितको बजेट उन्मुख हुने पनि बताए । 

अर्थमन्त्री महतले देशको अर्थतन्त्रको वर्तमान स्थीतिलाई मध्यनगर राखेर नै बजेटका सिद्धान्त र प्राथमिकता प्रस्तुत गरेको बताए । अहिलेको चूनौतिपूर्ण अवस्थामा मुलुकको आगामी गन्तव्यलाई सिद्धान्त र प्राथमिकतामार्फत प्रस्तुत गरेको उहाले बताए ।