पुँजी बजारको फोरममा शैलेन्द्र गुरागाईं

काठमाडौं– नेपाल उद्योग वाणिज्य महासंघले पुँजी बजार फोरमको सभापतिमा महासंघका कार्यकारिणी सदस्य तथा जलविद्युत् उद्यमी शैलेन्द्र गुरागाईंलाई मनोनयन गरेको छ । 

महासंघको पहिलो कार्यकारिणी समितिको बैठकले अध्यक्ष चन्द्रप्रसाद ढकाललाई अख्तियारी प्रदान गरेअनुसार विधानको दफा ३८(ग) बमेजिम गुरागाईंलाई उक्त फोरमको सभापतिका रुपमा मनोनयन गरेको हो । 

---

महासंघको छवि तथा प्रतिष्ठालाई अझ बढी सशक्त रुपमा अगाडि बढाउन गुरागाईंको सभापतित्वमा गठित समितिले जिम्मेवारीपूर्वक कार्य गरी महासंघलाई महत्वपूर्ण योगदान गर्नेमा अध्यक्ष ढकालले विश्वास व्यक्त गरेका छन् ।

स्वतन्त्र ऊर्जा उत्पादकहरुको संस्था इप्पानका अध्यक्ष भइसकेका गुरागाईं मुलुकको चर्चित जलविद्युत् उद्यमी मानिन्छन् ।