सरकारले ल्याएको बजेटबारे व्यवसायीकाे प्रतिक्रिया : कार्यान्वयनमा ध्यान दिनुपर्ने

काठमाडौँ- सरकारले ल्याएको बजेट कार्यान्वयनमा ध्यान दिनुपर्ने निजी व्यवसायीहरूले बताएका छन् । सोमबार संसद् भवनमा सञ्चारकर्मीसँग कुरा गर्दै नेपाल उद्योग वाणिज्य महासंघका अध्यक्ष चन्द्र ढकालले बजेट भाषण राम्रो रहेको र कार्यान्वयनमा ध्यान दिनुपर्ने बताए ।

उनले अहिले आएका विषयहरूका विषयमा थप अध्ययन गरेर प्रतिक्रिया दिने धारणा राखे ।

---

त्यस्तै नेपाल चेम्बर अफ कमर्शका अध्यक्ष राजेन्द्र मल्लले वितरणशील जस्तो देखिएको र मुलुकको अर्थतन्त्र सुधारका लागि बजेट कार्यान्वयनमा ध्यान दिनुपर्ने उल्लेख गरे ।

यस्तै नेपाल उद्योग परिसंघका अध्यक्ष विष्णुकुमार अग्रवालले आर्थिक क्षेत्रका लागि बजेट राम्रो आएको बताए । उनले बजेट कार्यान्वयन भए आर्थिक अवस्था सुधार हुने विश्वास व्यक्त गरे ।