निर्माण व्यवसायीकाे गुनासाे : हाम्राे समस्यमा सरकार गम्भीर भएन

काठमाडौँ- नेपाल निर्माण व्यवसायी महासंघका अध्यक्ष रवि सिंहले निर्माण व्यसायीहरूको समस्यामा सरकार गम्भीर नभएको गुनासो गरेका छन् ।

शुक्रबार काठमाडौँमा महासंघको राष्ट्रिय भेलामा सिंहले माइलस्टोनको व्यवस्था, भुक्तानीको समस्या तथा मूल्य समायोजन लगायतका विषयमा सरकार गम्भीर हुन नसकेको गुनासो गरेका हुन् । उनले सरकारले एकतर्फी रूपमा लगाएको माइलस्टोन पूरा गर्न नसक्दा लक्ष्य पूरा गर्न नसकेको र भुक्तानी पनि हुन नसकेको जिकिर गरे ।

---

माइलस्टोन अव्यवहारिक भएको विषय प्रधानमन्त्री लगायत सरोकारवाला सबैलाई जानकारी गराउँदा पनि कुनै सम्बोधन नभएको उनको भनाइ छ । सिंहले मूल्यवृद्धिको समेत मारमा परेकाले निर्माण कार्यलाई सहज रूपमा अघि बढाउन कठिन भएको पनि बताए ।

भेलामा सहभागी निर्माण व्यवसायीहरूले सम्पन्न भएका आयोजनाहरूको भुक्तानी समयमा नहुँदा समस्या उत्पन्न भएको धारणा राखेका थिए ।