त्रिभुवन विमानस्थलको धावनमार्गमै अड्कियाे एयर इन्डियाको विमान

काठमाडौँ- त्रिभुवन अन्तर्राष्ट्रिय विमानस्थलको रनवे पुगेर उड्न लागेको एयर इन्डियाको विमान रनवेमै अड्किएकाे छ । नयाँ दिल्ली उड्न लागेको एयर इन्डियाको विमानमा प्राविधिक समस्या देखिएपछि रनवेमै अड्किएकाे विमानस्थलस्थित नागरिक उड्डयन कार्यालयले जनाएको छ । 

विमान धावनमार्गमै अड्किएपछि करिब ५७ मिनेट त्रिभुवन विमानस्थलमा उडान र अवतरण नै रोकिएको थियो । विमानलाई धावनमार्गबाट ट्याक्टरले तानेर पार्किङ एरिया ल्याएपछि उडान फेरि सुचारु भएकाे छ ।

---