शुभकामना आदानप्रदान कार्यक्रममा रैथाने उत्पादन प्रदर्शन

काठमाडौँ- कान्ति सांस्कृतिक केन्द्रले शुभकामना आदानप्रदान तथा चियापान कार्यक्रम सम्पन्न गरेको छ । कान्ति सांस्कृतिक केन्द्रले कान्ति सांस्कृतिक केन्द्र राष्ट्रपति भवनअगाडि नेपालीहरूको महान चाड विजय दशमी, शुभ दीपावली, नेपाल संवत् ११४४ तथा छठ पर्व २०८० को अवसरमा चियापान कार्यक्रम सम्पन्न गरेको हो । 

शुभकामना आदानप्रदान कार्यक्रममा नेकपा एमालेका वरिष्ठ उपाध्यक्ष ईश्वर पोखरेल, संविधासभा सदस्य रत्न गुरुङ, नेकपा केन्द्रीय सदस्य नारायण सिल्वाल, काठमाडौँ जिल्ला कमिटी अध्यक्ष दीपक निरौला, काठमाडौँ क्षेत्र नम्बर ५ का संयोजक ध्रुव थपलिया, काठमाडौँ महानगरपालिका–३का वडाध्यक्ष प्रेम थापालगायतको उपस्थित रहेको थियो ।

---

कार्यक्रममा स्थानीय स्तरमा उत्पादित रैथाने उत्पादन मह, गुन्द्रुक, मस्यौरा, अचारलगायत खाद्य सामग्री राखिएको थियो । त्यसैगरी प्रदर्शनमा स्थानीय उत्पादन ढाकाका सारी, टोपीलगायत सामग्री प्रदर्शनमा राखिएको थियो । प्रदर्शनमा राखिएका सामग्री नेकपा एमालेका वरिष्ठ उपाध्यक्ष ईश्वर पोखरेललगायत सहभागीले खरिद गरेका थिए ।

प्रदर्शनमा राखिएका सामग्री खरिद गर्दै वरिष्ठ उपाध्यक्ष पोखरेलले स्थानीय उत्पादनको प्रवर्द्धनमा सहयोग गर्ने बताए । सो क्रममा उनले स्थानीय उत्पादनमा रहेका समस्याबारे चासो राखेका थिए ।