शिवम् सिमेन्टका भि.पि निखिल अग्रवाल 'श्री महात्मा गान्धी राष्ट्रिय अभिमान पुरस्कार २०२३' बाट सम्मानित

काठमाडाैँ – ब्राण्डम्यान इन्डिया पिआर एण्ड प्रोमशनद्वारा आयोजित अवार्ड कार्यक्रममा श्री महात्मा गान्धी राष्ट्रिय अभिमान पुरस्कार २०२३ बाट शिवम् सिमेन्टका भि.पि. (सेल्स एण्ड मार्केटिङ) निखिल अग्रवाल सम्मानित भएका छन् । 

शिवम् सिमेन्टको स्थापना काल देखिनै निरन्तर कार्यरत अग्रवाललाई यही  कार्तिक ३ गते उक्त पुरस्कारबाट सम्मानित गरिएकाे हाे । 

---

ब्राण्डम्यान इन्डिया पिआर एण्ड प्रोमशनले हरेक वर्ष अन्तर्राष्ट्रिय स्तरमा अवार्ड कार्यक्रम गर्दै आईरहेको छ । यसको  प्रमुख लक्ष्य राष्ट्रिय तथा अन्तर्राष्ट्रिय स्तरका औद्योगिक क्षेत्रहरूलाई प्रोत्साहन गर्ने रहेकाे कम्पनीले जनाएकाे छ । 

साथै यसले अन्तर्राष्ट्रिय स्तरमा प्रवर्द्धन गर्ने, विभिन्न उद्योगहरूमा नेतृत्व गर्ने कर्मचारी तथा व्यवस्थापक छनौट गरी पुरस्कार वितरण गर्ने तथा अन्तर्राष्ट्रिय प्रतिनिधीहरू सँग समन्वय गराई व्यापार विस्तारको अवसर प्रदान गर्ने कार्यसमेत गर्छ ।  

ब्राण्डम्यान इन्डिया पिआर एन्ड प्रोमशनले हरेक वर्ष आयोजना गर्ने यस अवार्ड कार्यक्रममा विभिन्न राष्ट्रका विभिन्न विधामा आफ्नो राष्ट्रिय स्तरका व्यापारिक क्षेत्रमा महत्वपूर्ण भुमिका निर्वाह गर्ने कर्मचारी, व्यवस्थापक तथा उद्योगको छनौट गरी यसको समग्र क्षेत्रको मूल्याङ्कन, व्यवस्थापन तथा राष्ट्रिय स्तरमा पुर्याएको उत्कृष्ट योगदानको आधार छनौट गरी अवार्ड दिने गर्छ ।