लिटरमा ४ रुपैयाँ घट्याे डिजेल र मट्टितेल

काठमाडौँ- नेपाल आयल निगमले डिजेल र मट्टितेलको मूल्य लिटरमा ४ रुपैयाँले घटाएको छ । भारतीय आयल कर्पोरेसन (आईओसी) बाट घटेर नयाँ मूल्य आएपछि डिजेलको मूल्य घटाइएको निगमले मंगलबार एक विज्ञप्ति जारी गर्दै जनाएकाे हाे ।

निगमका अनुसार घटेको मूल्य भाेलि (बुधबार) बिहान १ बजेदेखि लागू हुनेछ । अब काठमाडौँ उपत्यकामा डिजेल र मट्टितेलको उपभोक्ता मूल्य प्रतिलिटर १६४ रुपैयाँ प्रतिलिटर कायम भएको छ ।

---

आईओसीबाट पेट्रोल र खाना पकाउने ग्याँसको मूल्य बढेर आए पनि ठूला चाडपर्वको मुखमा उपभोक्ता मूल्य नबढाउने सरकारको नीतिअनुसार पेट्रोल र खाना पकाउने ग्याँसको मूल्य हाललाई यथावत राखिएको निगमले जनाएको छ ।