समानान्तर ग्रुपलाई ‘उत्कृष्ट निर्माण पुरस्कार’

काठमाडौँ - समानान्तर ग्रुपले उत्कृष्ट निर्माण पुरस्कार पाएको छ । इफाप्काको ४६औं अन्तर्राष्ट्रिय सम्मेलनको अवसर पारेर समानान्तर निर्माण सेवा प्रालिलाई उत्कृष्ट निर्माण पुरस्कार प्रदान गरिएको हो ।

इफाप्काका अध्यक्ष रवि सिंह र महासचिव विरेन्द्रराज पाण्डेले समानान्तर ग्रुपलाई शुक्रबार काठमाडौँमा गोल्ड अवार्डसहित सम्मान गरेका छन् । ललितपुरको गोदावरीमा निर्माण भएको तीन हजार क्षमताको सिटी हल निर्माण गरेबापत समानान्तरलाई उत्कृष्ट अवार्ड प्रदान गरेको आयोजकले जनाएको छ ।

---

समानान्तरसहित न्यू टेक्निकल इन्फ्रा प्रालिले सिल्भर अवार्ड, सिभिल इन्जिनियरिङ विधामा कालिका कन्स्ट्रक्सन प्रालिले गोल्ड अवार्ड र जय विष्णु निर्माण सेवा प्रालिले सिल्भर अवार्ड पाएका छन् । 

इफाप्का एसियाली तथा पश्चिम प्रशान्त क्षेत्रका १८ मुलुकका निर्माण व्यवसायीहरूको छाता संस्था हो ।