वायुसेवा निगमको आम्दानी दोब्बरभन्दा बढीले वृद्धि

काठमाडौँ- नेपाल वायुसेवा निगमको आम्दानी गत तीन वर्षमा दोब्बरभन्दा बढीले वृद्धि भएको छ । निगमले एक वर्षमा सवा २२ अर्ब रुपैयाँ आम्दानी गरेको देखाएकाे हाे ।

महालेखा परीक्षकको लेखापरीक्षण प्रतिवेदनअनुसार निगमको कुल आम्दानी आ.व २०७७/७८ मा रु.९ अर्ब १० करोड ९७ लाख ३१ हजार ८४५ रहेको थियो भने आव २०७८/७९ मा रु.१६ अर्ब ४६ करोड ३२ लाख ६० हजार ३३३ रहेको छ । त्यसैगरी आ.व २०७९/८० को प्रारम्भिक कुल आम्दानी रु. २२ अर्ब २४ करोड १९ लाख ७८ हजार देखिएको छ ।

---

यसरी हेर्दा निगमले गत ३ वर्षमा आफ्नो आम्दानीमा १४४% ले वृद्धि गरेको मंगलबार एक विवरण सार्वजनिक गर्दै उल्लेख गरेकाे छ ।

विगत आठ वर्षदेखि निगमसँग अन्तर्राष्ट्रिय तर्फ ४ वटा र आन्तरिक तर्फ २ वटा जहाज उडानमा रहेका छन् ।