सुन तोलामा आठ सयले बढ्यो

काठमाडौं - बजारमा सुनको मूल्य बढेको छ । शुक्रबार छापावाल सुन तोलामा ८ सयले बढेको हो । नेपाल सुनचाँदी व्यवसायी महासंघका अनुसार आज छापावाल सुन तोलाको १ लाख १९ हजार ८०० मा कारोबार भइरहेको छ । 

यस्तै, तेजावी सुन तोलाको १ लाख १९ हजार २५० मा कारोबार भएको छ । बिहीबार छापावाल सुन १ लाख १९ हजार र तेजावी सुन १ लाख १८ हजार ४५० मा कारोबार भएको थियो । 

---

यता, चाँदी पाँच रूपैयाँले बढेको छ । आज चाँदी तोलाको १ हजार ४८५ रूपैयाँमा कारोबार भइरहेको महासंघले जनाएको छ । हिजो चाँदी तोलाको एक हजार ४८० रूपैयाँमा कारोबार भएको थियो ।