सुनको मूल्य स्थिर, चाँदी घट्यो

काठमाडौँ - सुनको भाउ स्थिर छ । मंगलबार नेपाली बजारमा छापावाल सुन तोलाको एक लाख १८ हजार ४०० मा कारोबार भइरहेको छ ।

नेपाल सुनचाँदी व्यवसायी महासंघका अनुसार तेजावी सुन तोलाको एक लाख १७ हजार ८५० मा कारोबार भइरहेको छ । 

---

सोमबार पनि छापावाल सुन तोलाको एक लाख १८ हजार ४०० मा र तेजावी सुन तोलाको एक लाख १७ हजार ८५० मा कारोबार भएको थियो । 

आज चाँदीको मूल्य भने घटेको छ । चाँदी २० रुपैयाले घटेको हो । चाँदी तोलाको एक हजार ३७० मा कारोबार भएको महासंघले जनाएको छ । सोमबार चाँदी तोलाको एक हजार ३९० मा कारोबार भएको थियो ।