भन्सार छलेर भित्र्याइएका सामान सिरहा प्रहरीद्वारा बरामद

काठमाडौँ- सिरहामा प्रहरीले  भन्सार छली ल्याएका विभिन्न सामानहरू बरामद गरेको छ । जिल्लाको विभिन्न स्थानबाट कुल २ लाख १४ हजार ६ सय रुपैयाँ बराबरको सामान नियन्त्रणमा लिएको सिरहा जिल्ला प्रहरी कार्यालयका प्रवक्ता रविन्द्रराज पाण्डेले जानकारी दिए ।

बिहीबार अर्नमा गाउँपालिका ५ मा गस्तीमा रहेका प्रहरीलाई देखी सामान र तीन वटा मोटरसाइकल छोडी केही व्यक्तिहरू फरार भएका थिए । मोटरसाइकल र बरामद गरिएको सामान माडर भन्सार कार्यालयमा बुझाइएको प्रहरीले जनाएको छ ।

---

त्यसैगरी, औरही गाउँपालिका १ मा चोरी निकासी गरि ल्याइएको ११५ थान सारी ६० हजार रुपैयाँ बराबरको बरामद गरेको हो ।

भारतबाट नेपालतर्फ भन्सार छली मोटरसाइकलमा बोकी ल्याउँदै गरेको दुई बोरा मैदा, कबिर खैनी ३० प्याकेट बरामद गरेको र बरामद गरिएको सबै माडर भन्सार कार्यालयमा बुझाएको प्रहरीले बताएको छ ।