बागमती प्रदेश बजेट: वित्तीय हस्तान्तरणतर्फ अनुदान ३.०६ प्रतिशतले बढ्ने

काठमाडौँ : बागमती प्रदेश सरकारले आगामी आर्थिक वर्षको बजेट सार्वजनिक गर्दै वित्तीय हस्तान्तरणतर्फको अनुदान बढाएको छ । आर्थिक मामिला तथा तथा योजना कैलाशकुमार ढुंगेलले प्रदेशसभामा बोल्दै स्थानीय तहमा वित्तीय हस्तान्तरणतर्फ अनुदान ३.०६ प्रतिशतले वृद्धि भएको बताएका हुन् । 

११९ स्थानीय तहलाई वित्तीय समानीकरण अनुदान तर्फ १ अर्ब ५० करोड रुपैयाँ छुट्याइएको छ । स्थानीय तहबाट प्रस्ताव भएका ३०९ योजना तथा कार्यक्रमका लागि समपुरक अनुदान २ अर्ब ९२ करोड छुट्याइएको छ । ९१ प्रस्तावित योजना तथा कार्यक्रमका लागि विशेष अनुदान  ४२ करोड रुपैयाँ छुट्याइएको छ । 

---

सशर्त अनुदानतर्फ २ अर्ब ६६ करोड रुपैयाँ छुट्याइएको छ । कुल सशर्त अनुदानमध्ये शिक्षा तथा स्वस्थ्य सम्बन्धी कार्यक्रमका लागि ६९ करोड रुपैयाँ छ, कृषि तथा सहकारीका कार्यक्रमलाई २७ करोड, भौतिक पूर्वाधारणका लागि एक अर्ब ७० करोड रुपैयाँ छुट्याइएको छ । राजस्व बाँडफाँटमध्ये सवारी करबाट ११९ स्थानीय तहलाई चार अर्ब ३३ करोड रुपैयाँ बाँडफाँट हुने अनुमान छ ।