ढाकाको 'ब्रिफकेस'मा बजेट : अर्थमन्त्री पुनले स्वदेशी उत्पादनको प्रवर्द्धनबारे दिन खोजेको सन्देश

काठमाडौँ- आगामी आर्थिक वर्ष २०८१/८२ को बजेटको तयारी पूरा भएको छ । अर्थ सचिव मधुकुमार मरासिनीले अर्थमन्त्री वर्षमान पुनलाई बजेटको मस्यौदा हस्तान्तरण गरेसँगै बजेटको तयारी सम्पन्न भएको हो । 

हस्तान्तरणपछि अर्थमन्त्री पुन बजेट पारित गर्न प्रधानमन्त्री तथा मन्त्रिपरिषद्को कार्यालय हुने मन्त्रिपरिषद्‌ बैठकमा सहभागी छन् । ३ बजे पुनले संसद्को संयुक्त बैठकमा बजेट पेस गर्ने कार्यक्रम छ । 

---

प्रधानमन्त्री एवं आयोग अध्यक्ष पुष्पकमल दाहाल 'प्रचण्ड'को अध्यक्षतामा सिंहदरबारमा आयोगको पूर्ण बैठकले मध्यमकालीन संरचना र वार्षिक विकास कार्यक्रम पारित गरिसकेको छ ।

नेपाली ढाकाबाट बनेको ब्रिफकेस प्रयोग गरेर अर्थमन्त्री पुनले स्वदेशी उत्पादनको प्रवर्द्धनको सन्देश दिन खोजेका छन् ।

यो पटकसँगै पुन दुई पटक अर्थमन्त्री बने पनि उनले ल्याउन लागेको यो पहिलो बजेट हो । यसअघि अर्थमन्त्री हुँदा उनले बजेट ल्याउन पाएका थिएनन् ।