होटल बाराही काठमाडौँको रुफटपमा 'इन्फिनिटी लाउञ्ज एण्ड बार' सञ्चालनमा

काठमाडौँ- ​बाराही हस्पिटालिटी अन्तर्गत काठमाडौँको ठमेलमा रहेको होटल बाराही काठमाडौँले नवौं तलामा 'इन्फिनिटी लाउञ्ज एण्ड बार' सञ्चालनमा ल्याएको छ । 

'लाउञ्ज एण्ड बार'मा ग्राहकले रोजाइअनुसार इन्डोर र आउटडोर गरेर एक सय जनासम्मले एकैपटकमा सेवा लिन सक्छन् । 

---

बार तर्फको लाउञ्ज सर्वसाधारणका लागि हरेक दिन दिउँसो २ बजेदेखि राति ११ बजेसम्म खुला रहनेछ भने प्राइभेट लाउञ्जतर्फ बुकिङ अनुसार सेवा लिन सकिनेछ ।

काठमाडौँको प्रिमियम लोकेसन, त्यसैमाथि आफ्नै अगाडि नारायणहिटीको दृश्य देख्न पाइने भएकाले हाल बाराही काठमाडौँ आकर्षणको केन्द्र बनेको छ । 

चार तारे स्ट्याण्डर्डको यस होटलको सातौं तलामा इन्फिनिटी स्विमिङ पुल र रेष्टुरेन्ट रहेको छ । साथै होटल वातावरणमैत्री भएकाले प्लास्टिकलाई सकेसम्म कम प्रयोग गर्ने गरेको छ ।

केशरमहलको अगाडि चोकैमा रहेको यस होटलको नवौं तलामा रहेको रुफटपबाट काठमाडौँ उपत्यकाको चारैतिरका सुन्दर दृश्यावलोकन गर्न सकिन्छ । 

वीर शमसेरले बनाएको फोहोरा दरबार, स्वप्न बगैंचा र नारायणहिटी दरबार होटलको आँगनमै भएको अनुभूति हुन्छ । 

त्यस्तै घण्टाघर, धरहरा, वसन्तपुर दरबार, ठमेल बजार, स्वयम्भू तथा उत्तरतर्फ शिवपुरीको हरियालीसँगै हिम श्रृंखला देख्न सकिन्छ ।