काठमाडौँमा एक जार पानीको मूल्य ४७ रुपैयाँ, बढी लिए कारबाही हुने

काठमाडौँ- उपत्यकामा बिक्री हुने खानेपानीको अधिकतम खुद्रा मूल्य (एमआरपी) समान कायम राख्न सरकारले सूचित गरेको छ । वाणिज्य, आपूर्ति तथा उपभोक्ता संरक्षण विभागले पानी उत्पादक कम्पनीहरूले उही प्रकारका गुणस्तर, नापतौल र परिमाणको पानीमा फरक-फरक एमआरपी लगाई बिक्री-वितरण गरिरहेको जानकारी आएको जनाएको छ ।

विभागका अनुसार काठमाडौँ उपत्यकामा बिक्री हुने जार (२० लिटर) को मूल्य प्रतिगोटा अधिकतम ४७ रुपैयाँ तोकिएको छ । एक लिटरको बोतल पानीको मूल्य १६ रुपैयाँ तोकिएको छ ।​

---

एमआरपीको नियम पालना नगरे कानुन अनुसार कारबाही गर्ने चेतावनी विभागले दिएको छ ।